Nagmaal-reëlings:

Elkeen wat lidmaat is van een van die gereformeerde kerke met dieselfde belydenisskrifte as ons (m.a.w. wat die Nagmaal en die betekenis daarvan dieselfde as ons verstaan) en wat nie onder sensuur is by hulle plaaslike gemeentes nie, is welkom om die Nagmaal saam met ons te vier.  Reël gerus met ds. Schalk of enige van die kerkraadslede vir toestemming.  Op so manier help ons ook die ouderlingeraad om toesig te hou oor die Nagmaal.

Dit is belangrik dat jy jouself sal voorberei om die Nagmaal te gebruik.  Ons het 'n verantwoordelikheid om na te dink oor ons eie sondigheid en oor wat die Nagmaal beteken, sodat ons nie die Nagmaal sal misbruik vir ander redes as waarvoor die Here dit gegee het nie.